Q: 請問essay前言總結會唔會俾marker印象分😂尤其是前言可唔可以寫咗兩三行就開波😂
・
A: 同學仔你好呀，首先多謝你嘅提問。
・
關於論述題（Essay）評分準則要清楚一樣嘢 － 論述題係睇整題性。即係話，好難斷定你寫多個例子、寫多個論點個會唔會加分或減分。話雖如此，引言總結作為文章之首同結尾，儘管無內文咁重要但都切忌忽視啊～
・
一般嚟講，引言雖要做到3 個目標：
1. 立場
問及「在什麼程度上」（To what extent）、「你是否同意」（Do you agree）依類題目都要同學比個立場，所以引言最好寫埋出嚟；
2. 論點
即係你篇文將會由邊啲方向討論，最基本就係「政治」、「經濟」、「社會」、「教育」等方向，再好啲就歸納論點；
3. 定義
可以話係可有可無，題目有時問到啲字眼好混含，就好似「現代化」咁，100 年前同2018 年對依3 隻字嘅理解都唔同，依個情況下同學仔最好解釋吓咩意思，等閱卷員思路跟住你走。
・
唔少學生以為引言係交代背景，以一本書或者文章而言的確可以咁樣理解。不過依家係答緊題目，唔係寫書或者發表意思，所以功利少少，以方便理解同奪取分數為最終目的不失為過。
・
P.S. 總結嘅話寧願你潦幾句都好過爛尾