top of page
BE THE ONE YOU WISH TO SEE IN THE FUTURE
如何撰寫屬於
我的 DSE 歷史筆記（DSE History Notes）？
依個世界無一份筆記（所謂嘅History Notes）包你拎五星星⭐️⭐️
係每份 DSE 歷史筆記，任何一份筆記原則上剩係適合筆記設計者所用
而以下只係集經驗而分享一個較為有效率嘅溫習筆記 History Notes建議，
未必適合全世界🌍。假如你曾經有過「打開本書照抄啲內容落本簿到，
突然抄抄吓有日醒覺同書無分別最後放棄咗」嘅經歷
你可以參考吓依個方法🥸︰
第一本係拎嚟寫內容
講到尾，其實歷史科都係講緊歷史
如果你連冷戰係美國同蘇聯打，或者發生咗場戰爭叫韓戰（1950-1953）
都唔知，咁就已經無得講落去....所以第一本筆記係要嚟寫內容
好多同學仔每個課題一本，結果 N 咁多本筆記📕📕📕
當你教科書都係得一本嘅時候，你啲筆記本仲多過教科書，咁你仲整本筆記出嚟為乜⋯⋯
記住，筆記嘅作用係寫低重中之中，唔係重點嘅嘢唔需要寫落去，所以一本寫內容就足夠矣
第二本係叫技巧書
每次做練習或者上堂老師教或補習老師教，都唔多唔少講到啲題目嘅處理方法比你聽
依個時候最好整本技巧書📗，寫低咩情況下點樣處理
打個比喻 2017DSEQ3 — 「試從資料指出第一次世界大戰影響婦女地位的一項誤解」
咁到底「誤解」點樣處理？
學識果陣就寫返落本筆記，哪怕某日唔記得可以拎返出嚟睇
就好似個工具箱🔧咁，哪怕唔知邊日要修理就可以拎出嚟修正
第三本係常犯錯誤
「你就係你本身最好嘅導師」💙
就算補習講 N 個常犯錯誤都係成班學生嘅集體錯誤（Common mistake），
你未必會犯依個錯。到底你自己嘅答案差啲乜，到底你點樣先可以進步，
唔需要人哋話比你聽
睇返自己做過嘅練習，自己講返比自己聽，
細心分析改善，漸漸地你就會有躍進
常犯錯誤
技巧寶典
百科全書
bottom of page