國際法庭起訴米洛舍維奇(1999年5月27日)

話說最近睇Threads 講歷史科即將進行課程改革，引來唔少網友分享應該有咩內容要刪減，有咩課題要新增。其中提及選修單元(以阿衝突、南非種族隔離政策、巴爾幹半島種族問題)應該變成必修. . . 講起南斯拉夫，一個幾乎已經消失咗嘅國家，不得不講塞爾維亞第一任總統米洛舍維奇(Slobodan Milošević)，佢喺1999 年5 月27 號正式被國際法座起訴，罪名分別係戰爭罪、危害人類罪同種族滅絕罪等。

等等先，依家唔少中學都唔會再教南斯拉夫，邊個係米洛舍維奇？

米洛舍維奇

米洛舍維奇出生喺1914 年8 月20 號，無錯，即係二戰期間出世，注定佢一生並唔會過得平凡。隨住佢一路長大，去到1980 年代逐漸喺國際舞台登場。當時米洛舍維奇擔任塞爾維亞共產黨領導層，至1987 年更成為黨總書記，1991 年就成為塞爾維亞總統。你無睇錯，接近90 年前係塞爾維亞黑手黨刺殺斐迪南大公促成一戰，依家又係塞爾維亞導致1990 年代巴爾幹半島危機。世事就係咁搞笑. . .

1980 年代末至1990 年初，就算唔係最近大考，但肯定各位都知道東歐政局出現劇變，蘇聯解體。而南斯拉夫社會主義聯邦共和國內各個加盟國都開始獨立運動，南斯拉夫裡面兩個加盟國，即係塞爾維亞同蒙特內哥羅組成南斯拉夫聯邦共和國。身為塞爾維亞嘅領袖，米洛舍維奇提倡「塞爾維亞人要有民族自決權」，一度被視為「民族英雄」。

所有故事嘅主角都有佢哋嘅大義，米洛舍維奇都唔例外，南斯拉夫裡面另外兩個加盟國，克羅地亞同波斯尼亞(及黑塞哥維那)都諗住獨立。但問題嚟啦，分身家就分硬㗎啦，問題係啲地嘅屬權點劃分先？由於波黑同克羅地亞兩地都住咗唔少塞爾維亞人，米洛舍維亞就支持當時人民自己地方自己救，鼓勵佢哋用武力手段建立自治區。就係咁，1991 年克羅地亞戰爭同1992 年波斯尼亞戰爭就正式開打。一打幾年就過去，隨住1995 年美國介入下，岱頓協定(Dayton Agreement)簽署，標誌住兩場戰爭正式結束，而米洛舍維奇亦獲得「巴爾幹層夫」稱號。

「岱頓協定」簽署現場

吓？

原來係米洛舍維奇喺兩場戰爭裡面都分別對克里地亞人同回教徒進行種族清洗，導致北約派遺維和平部隊介入當地。Thats why 最後條約係喺美國簽啦，無他嘅，冷戰結束咗得返一個超級強國呀嘛。

唔單止波黑戰爭、克羅地亞戰爭，後嚟仲有科索沃危機、北約轟炸等事件，先至導致1999 年5 月27 號國際法庭對塞爾維亞作出起訴。但篇幅有限就不在此提及，又或者，他朝有日會喺各位嘅歷史堂教授呢？吱吱。