Q: 你好，請問你有無ce06-12 pp 可以share?
Q: 想問下可以點寫世史科筆記?
Q: 我想問下新民主主義同新民主主義理念係點解😢諗極都仲好似解唔到咁
・
A: 你好呀，關於分享中學會考（HKCE）或者高考（HKAL）嘅題目，當然可以啦～不過數量眾多，高抬貴手比啲啲時間好唔好？更新咗會再喺IG或者Facebook通知返。
・
至於世史科嘅筆記，其實早前講過，再講就老土、譖氣㗎啦。麻煩有興趣嘅同學仔望返之前嘅兩篇文章（睇完有疑問再解惑）：
★【有問必答】點樣整歷史筆記：http://chesterhistory.blogspot.hk/2017/10/blog-post_19.html
★【有問必答】點樣整歷史筆記（2）：http://chesterhistory.blogspot.hk/2017/10/2.html
・
最後，新民主主義嘅問題。既然講得係「新」，換言之，即係有舊民主主義。咁乜嘢係舊民主主義呢？根據毛澤東嘅講法（唔該咁多位嘗試吓代入偉大嘅毛主席思想，雖然凡夫俗子好難做到，嘗試，You never try you never know～），舊民民主義即係孫中山所講嘅三民主義，具體內容如下：
〖領導階級〗：資本階級
〖指導思想〗：三民主義、資產階級民主思想
〖目標〗：資本主義
〖群眾基礎〗：地主、商人、資本家
・
好，咁新民主主義呢？
〖領導階級〗：無旌階級
〖指導思想〗：馬列主義、毛澤東思想
〖目標〗：共產主義
〖群眾基礎〗：工人、農民
・
實際行動係點？事實上，毛澤東認為五四運動（1919）就係所有嘢嘅開始，1919年前中國行緊嘅叫做舊民主主義革命，1919年之後就係新民主主義革命，中間經歷咗大大小小嘅戰爭，有啲咩（提示：四場戰爭）？試係留言答，頭3個答中有獎～
・
最後去到1949年10月1日中共建國，正式標誌著「新民主主義革命」完成，1956年中國社會主義改造完成，就進入埋「社會主義」啦，科科。
・
記住新民主主義係由偉大嘅領導所提倡，凡人唔明白係合情合理，搞清楚理論內容，革命過程就足夠。了解得再多嘅話，同學仔可以考慮報共青團，黨需要你，嘻嘻～
・
有咩問題隨便問，識答一定答
Chehistory預祝同學仔新年快樂啦
・
P.S. 只限於發言同學仔，睇完都唔係好明的話，聯絡我比份詳細少少嘅筆記你睇吓，Yo～