Q: 🤔你覺得喺香港係生存緊定生活緊？如果你賺大錢（可能係6-10年後啦），咁你會想移民去邊度，定係想留返係香港？
．
A: 哇你咁睇起我嘅
哈哈哈哈哈哈哈哈
我覺得喺香港係生活緊啊
利申Chester 買唔起樓
月入幾多洗幾多嘅人嚟
好啲一個月或者有一餐係食富啲
．
雖然香港生活指數高
但其實有好多計仔慳錢
依方面哥簡直是專家
(同學仔仲記唔記得電話有一版係儲分apps)
哈哈哈哈哈哈哈哈哈
．
借個位嚟賣廣告先
例如你無錢去補習
其實Blogger、YouTube、IG 裡面嘅資源夠你考個唔錯嘅成績
喂我所指嘅唔錯係Level 5 㗎啦
．
咁所以到底你想要咩態度
再按你能力去選擇啦
不過我同意一啲
喺香港有錢好多事方便好多
有艱難唔係無方法
係麻煩啲耐啲仲要兜個圈咁樣
例如搭巴士同搭的士嘅分別
．
【移民】
依個問題最近都諗多咗
結論係每個地方同人一樣
有佢可愛嘅地方，亦有佢可惡之處
無辦法啦
人無完美呀嘛
．
既然係咁
一個咁方便、咁多姿多彩
仲要係成長地方
你嗌我點樣離開呢
(除非發生好大件事啦)
．
相反有錢有時間我會想去渡假多啲
始終Chester 都係個專注力極差
鬧極都坐唔定嘅人嚟
唉所以好多美劇睇咗幾季就停咗
．
:(