【人生】回憶是暖

Q: 百歲光陰一夢蝶，重回首往事事堪嗟

．

A: 又嚟??

極度懷疑你係之前留過一句詩嘅同學仔

老實講咁樣留句嘢

真是唔知寫咩好

咁我就隨便發揮㗎啦

．

第一句解人生好比一場夢

喺依個人民主義盛行嘅年代

大家都覺得人類無嘢做唔到

要看輕自己係件好難嘅事

但事實上我哋每個人都好弱

．

簡單舉個例子

依排Chester 想健康做返運動

於是游咗一日水周身酸痛

第日更瞓到黃朝百晏

You see?

再唔係大家都試過病

其實傷風感冒好小事

不過無精神無哂食慾足以令你覺得天跌落嚟

．

至於第二句跌回憶萬分滿滿悵惘

以我教學年資五年計算

同學仔你極其量係個快大學畢業嘅人

多少經歷令你長嘆呀嘻??

．

從前我係個乜都影一餐嘅死港女

加上讀書留落嚟寫日記嘅習慣

最近換手機、執房都想起不少往事

誠如忘了愛所講

過去的就讓它過去，曾經畢竟只是曾經

．

沒有那些人，發生過那些事

你就不會是今天的這個自己

是好是壞是對是錯也都不要緊

讀歷史都知沒有假如

．

開心嘅咪記低

傷心咪由得佢喔～