學習要點


 
話就話學東南亞,但一如以往啦同學仔,首先都係要睇教育局我想哋喺依個課題裡面學啲乜。

要點

說明

東南亞—從殖民地到獨立國家

 

​.西方殖民主義的影響

 

.非殖民地化的起因及獨立運動 ​

 

.後殖民地時代的發展;東南亞國家聯盟的演變

學生須描述東南亞在二十世紀上半葉的概況,特別是西方對該地區進行殖民擴張的影響。他們須分析引致東南亞國家非殖民地化的因素,通過觀察不同國家爭取獨立的不同方法,找出獨立運動的主要模式,並探討後殖民地時代發展的主要特點。學生須以東南亞國家聯盟的發展為例,說明地區性合作的趨勢,進一步找出其與全球性合作趨勢的關係。

大體上嚟講可以分為三點,分別係背景、方法同後續。我知你哋實話車老師你又講什麼西北呀?哥仔今時今日我哋講東南亞,你會聯想到泰國、越南、緬甸、柬埔寨、新加坡等一堆國家。然而好遺憾地咁同你講,依堆所謂嘅國家喺二十世紀嘅時候只係被西方所佔據嘅殖民地而已。做咩咁慘敵不過帝國主義嘅呢?正正就係背景所關注嘅問題,亦都係最唔重要但以內容嚟講最好睇嘅部分。


知道被地殖民嘅經過同影響之後,差唔多要隔歷史發展所推進,第一次世界大戰後嘅民族自決喺大日本帝國侵略下廣泛地流傳,配合二戰後歐洲地位下降。唔同國家走上唔同嘅獨立之路,有啲好似傾生意咁喺談判桌上唇槍舌劍、有的就邊打邊談、最慘嘅類別係講都唔講直接街頭見。方法依個部分就係要探討東南國家要流幾多血、付出幾多時間、破壞幾多資源先至有今日嘅格局。


最後係我個人認為最悶嘅一個部分,獨立了,然後呢?往往最令人動容、最激起人心嘅係啲獵奇嘢。走到去六七十年代,內戰結束啦。東南亞依個名字夾在喺國家同洲份中間,點樣發展先至可以加強佢哋嘅話語權,令自己免受孤立、重蹈被他國所統治嘅覆轍呢?於是乎,東盟就應運而生,雖然學起上嚟同西歐統合有啲相似,但兩者之間又唔完全一樣。依部分,就是要解構地區性合作這回事。