【考試】遊戲規則-分數

 

所謂「知彼知己,百戰不殆」,你依家要去答資料題,咁大哥首先你都要知道依份卷到底係點樣考先得㗎嘛。正如我嚟緊8月25號去考車(麻煩集氣支持我考到),但係連有咩路線揸都唔知道。除非你係神人戰無不勝,無論點樣嘅題目、用咩形式考,都難你唔到。但如是這樣的話,咁做咩仲要睇依本嘢呢?


由於今年情況比較特別,除咗正正常常升中六嘅同學仔以外,有日校老師、大學生、中三升中四、自修、昏迷咗N年嘅學生報讀補習。所以我將嚟緊幾年嘅評核模式都寫哂出嚟。


2022DSE及2023DSE

卷別

內容

比重

時間

卷一

卷一設四題歷史資料題,考生可選答任何三題。試題內容乃根據不同形式之歷史資料,包括文獻、統計數據、地圖、漫畫及照片。

60%

一小時四十五分鐘

​卷二

卷二設七題論述題,考生可選答任何兩題。

40%

一小時三十分鐘

2024DSE及往後

卷別

​內容

​比重

​時間

​卷一

卷一設四題歷史資料題,所有試題均須作答。試題內容乃根據不同形式之歷史資料,包括文獻、統計數據、地圖、漫畫及照片。

60%

兩小時

​卷二

​卷二設七題論述題,考生可選答任何兩題。

40%

一小時三十分鐘

為免你唔知,簡單咁講資料題即係你由細到大都做開嘅閱讀理解,只不過佢由唔同作者所寫嘅篇章,變成生動有趣嘅文獻或漫畫(題目大多數據依兩類資料出法)。加上你見到佢佔分比重高達60%,換言之,不容有失。廢話嚟,考試緊係執到一分得一分,失咩鬼嘢。