【考試】點樣先可以溫好history?點樣可以將史實記入腦?

話說上次講完「聯想大法」後,係我有史以嚟最多人典藏嘅帖,見大家咁捧場哥又點會收收埋埋呢?喺依個意猶未盡嘅狀態下,分享吓乜叫「歸納大法」啦,笑4。

嗱,假設你覺得宇宙最廢嘅我講啲嘢啱聽嘅話,曉點樣做啦嘻。

是咁的,喺歷史嘅長河裡面,有好多嘢好相似。既然係咁,你將佢哋擺埋一齊就會搵到共同點(咦,依個咪即係共通點?另稱比較點喔)。生活化示範,例如香港人都有個特質,就係實務得嚟富有彈性。一方面受港英洗禮擁有法治傳統知要守法,另一方面識得喺唔同場地游走,滿滿韌性。

唔明呢?唔緊要,嚟個歷史示範 — 其實講親1920年代日本經濟狀況,我哋可以用個「3」字概括佢。點解?因為當時經歷咗「3」場經濟危機,分別係關東大地震(1923 Great Kantō earthquake)、銀行危機(1927 Banking Crisis)、經濟大衰退(1929 Great Depression)。而佢哋亦都造成「3」嘅經濟損失,順次序係「3」百億美元、約「3」十間銀行倒閉、約「3」百萬人失業。換言之,簡表如下︰

【三場經濟危機】

1923關東大地震︰300億美元損失

1927銀行危機︰約30間銀行倒閉

1929經濟大衰退︰約300萬人失業

掂呢?你剩係記個「3」字就溫完一個論點三個例子,得唔得先?