DSE 有類題型比較特別叫做「而非」（Rather than），收到題目之後唔少同學都喊哂口表示唔識做。有見及此，見今日有啲時間決定講吓。
・
首先「而非」（Rather than）多數出喺卷二（Essay），事實上佢嘅出法有兩種：
・
1️⃣要比立場
⭐️「冷戰對歐洲是福而非禍。」評論此說能否成立
⭐️「軍國主義對日本是禍而非福。」你是否同意此說
・
2️⃣唔使比立場
⭐️試解釋軍國主義為何在1930年代興起而非之前。
⭐️試解釋冷戰為何在1945年爆發而非之前。
・
基於想講嘅重點係「立場」，再加上唔少前人討論過類近嘅嘢，所以接下嚟將會集中討論第一點，即係要比立場嘅而非（Rather than）。要比立場嘅而非題目點做好？首先搞清楚你有咩立場選擇先：
・
👉🏻同意：即係同意而非
👉🏻程度：即係有一部分同意而非，另一部分否定而非
👉🏻反對：即係否定而非
・
為咗方便討論，接下落嚟用【「軍國主義對日本是禍而非福。」評論此說能否成立】作為示範，套用返上邊嘅延伸，可選擇嘅立場有：
・
設「禍而非福」為A同意：即係同意A
程度：即係有一部分同意A，另一部分否定A
反對：即係否定A
・
〖同意〗唔難處理，分析軍國主義喺邊啲方面對日本是禍而非福就可以。所以接下落嚟要深入討論嘅係〖程度〗同〖反對〗。先講〖反對〗，即係乜意思？
・
否定「禍而非福」有3 個選擇，包括：
1. 是禍是福
2. 非禍非福
3. 非禍是福
以上3 項其中一個都構成否認，屬於〖反對〗，至於想揀邊個就悉熟隨便。
・
咁〖程度〗呢？
・
承接先前討論，〖程度〗即係有一部分同意「是禍而非福」，有一部分否定「是禍而非福」。將個重點擺喺〖否定〗嘅部分，即係點？即係啱啱討論完嘅內容，你有3 個選擇 － 分別係是禍是福、非禍非福、非禍是福。
・
換言之，〖程度〗等於：
💁🏻♂️有一部分是禍而非福
💁🏻♂️有一部分是禍是福、非禍非福、非禍是福
・
問題係，有冇必要諗到咁複雜？答案係無。
・
去到依刻，心水清嘅同學仔會明白〖程度〗同〖反對〗嘅立場係一樣，正因為〖否定是禍而非福〗部分同〖反對〗立場要處理嘅嘢係一樣，換個說法，〖程度〗立場可被理解成〖反對〗立場。當然你要歸根究柢的話，〖程度〗立場處理嘅內容係麻煩啲。
・
睇到依到唔知講咩的話，下次答〖程度〗記住以下邏輯就可以：
完全反對題目當然係〖反對〗，但反對題目嘅一部分呢？當然都係〖反對〗，但意義上，〖程度〗會更為準確。
・
Comments