【考試】如何有效地寫比較

Q: 想問如何有效地寫比較

A: 早晨啊同學仔，相對於駁論、解釋立場而言，車老師認為比較係最難嘅Essay skills。喺正式分享點樣做一段好嘅比較段之前，先重溫吓咩題目需要做比較，等其他網友跟得上進度。我會話，凡有ABC 嘅題目都要做比較，但乜嘢係「ABC」？

AB	比較對象
C	比較點

生活化例子示範：比較譚仔定三哥更值得去幫襯？

AB 分別係譚仔同三哥

C 就係值得幫襯

比較題喺DSE 嚟講係常見，包括：

2012	比較辛亥革命及五四運動對中國發展嘅意義
2019	比較納粹侵略定綏靖政策對二戰爆發更重要

相信同學仔都能夠喺上述題目裡面搵到ABC . . . 問題嚟啦，知道係比較題但唔識寫比較段。到底點樣先算係個好嘅比較段呢？通常符合以下兩個條件，就係一段好嘅比較段：

1. 正反討論

2. 提出比較論據

用返2019 嘅例子示範，即係你段比較段要提及納粹侵略重要性及綏靖政策重要性(依個部分由於正文討論過，所以唔落例子都得，落咗例子會更具說服力)。下一步係陳述兩者重要性後，要搵個平台衡量邊個更加重要. . . 常見嘅切入點包括嚴重性、直接間接、歷史發展、意義、廣度深度等。

為免流於紙上談兵，咁啱車老師有答2019DSE二戰(19/25)，我拎其中一段比較段出嚟跟各位分享😆

好彩Appeal 一波升返兩分，唔係真係喊三聲🤣

2019DSE二戰(車老師示範)

黃色Highlight：就係我提及嘅比較平台(嚴重性)，分別從納粹侵略同綏靖政策帶嚟嘅後果去討論邊個對二戰爆發更加重要

綠色Highlight 及 藍色Highlight：分別係正反討論返綏靖政策同納粹侵略嘅重要性何在

而我喺依段嘅玩法係講綏靖政策嚴重性唔高，因為佢係被動性質(係侵略出現先至要採取出嘅手段)，跟日常生活接觸到嘅保險一樣。同時，佢目的係維持和平而唔係挑起戰爭或衝突，個目的跟戰爭扯唔上關係。而納粹侵略係具侵略性意圖，更甚二戰喺1939 年爆發係由納粹侵略直接所促成。由此可見，納粹侵略比綏靖政策更・重・要！

老實講比較算係Essay 進階技巧真係唔容易，同學仔要練習多啲睇多少少DSE Sample sample 精進吓啊。又或者 . . . 可以喺2025 年6 月30 號前以半價優惠($500) 報讀車老師Essay 技巧精讀班，等你全方面了解Essay 原來係有格式、有步驟，唔是眼甘甘望住張白紙唔知寫咩好，喺大考板回一城，嘰嘰

仲有咩想問或想更深了解

不妨喺 Chester6uofamily.com 發問

下次再答過吧，吱吱😋