Q: 點解唔建議讀歷史系？如果讀歷史系將來方向大約係咩？如果以教師做理想，中文教育好啲定歷史？（撇除興趣因素）可唔可以用你經驗分享下～
．
A: 唔建議學生讀歷史系嘅原因有好多
從我角度出發
第一係悶、離地
自己比較鍾意近代史
感覺親近啲摸得到捉得到
．
相反你同我講唐朝遣唐使
完全唔知關我咩事
於是愈讀愈熱情退卻
．
簡單咁講
搵唔到歷史嘅意義
．
第二係無技術增長
讀書求得著
歷史系每科睇N 本書(或近人研究)
梳理史實同辨識真相需要分析能力
不過我覺得中學教育已經做到
．
撇開內容上差異
一個中六學生應該有能力寫到篇學期論文出嚟
既然係咁
勤力啲去睇書就掂
無乜係因為讀本科先獲知
．
第三係風氣
主觀嘢嚟
無理據廢事寫
．
諷刺嘅係Chester 有寫日記習慣
Year Two 嗰陣寫過篇文
題為「如果可以重來，還是歷史系麼？」
嘿嘿嘿嘿嘿嘿嘿
．
至於讀歷史將來方向大約係咩
我諗你講緊工作掛
讀上去就係研究院、博士、教授
出嚟做最貼近係老師、出版社、補習
新穎啲有導賞員、YouTuber、寫書寫故事
唔關事嘅有公務員、銀行、保險、導演、TVB、老板
．
最後你指教育我理解為日校老師
咁教中文科會吃香啲
話哂都係主科
要知道學生人數持續下降
教席超級難搵(PGDE 都係)嘅情況底下
教必修科遠遠穩陣過選修科
．
不過出嚟做嘢唔係考DSE
無話考到30 分必入咩科
行行出狀元
比盡你First hon 畢業都未必順風順水
入社會工作
真係咪睇少際遇、環境、機會
Comments