【人生】人係咪會鐘意一樣嘢直到永遠?

Q: 你會唔會有一日唔再想教書?咁你會勉強一路做落去定係會轉工??人真係會鍾意一樣嘢直到永遠?

A: 依啲迴力鏢問題我點樣答你啊同學. . . 只能說喺現在依刻(2020年10月28號02:40:24)都未出現過唔再教書嘅念頭。換轉另一個講法,就是哥都唔曉得返學校外有咩工撈得掂。


喺到我可以講吓點解自己鍾意教書,甚至癲到話依單嘢係一種興趣。我想講人係一種好有趣嘅生物,太多事係你估計唔到。即係我打賭你當初話去補歷史嗰陣,無預過一堂上咁鬼耐咁攰,仲要臨落堂前收本CheBook好似返教會咁要敬拜上帝祈個禱唱埋聖詩先散得。嘻嘻嘻,依一種嘅Unpredictable正正係人生嘅寫照,我覺得連自己嚟唔嚟依個世界都無得選擇嘅情況下。依個社會仲歌頌命運在我手永不低頭,少年你未免太過年輕了吧?


天知道分享一件小事,講一句狂言,會影響你多少?但正因為Chester係個充分感受到生命流逝嘅人 ── 時間本不存在。動物不會感覺到四季轉變,大自然不會說今年是2020年。偏偏係人會經歷生老病死,體會到時間在自己身上經過,才構成自我意識的出現。加上談過千百萬次的世界末日比喻*,教育作為終身職業似乎不錯,那些3E理論都是以此為起點。


我懂的事很少,尤其是現已夜深腦漿就更少,假設性天馬行空的轉工還是一直在堅持的問題,改天再聊吧。

*未聽過證明你忠誠度唔夠,補多幾個月或者叫拉多兩個人嚟補再話你知哈。